話說今日逼地鐵返工，身旁有幾個妙齡少女，本來都好地地，突然間，傳來一陣陣屁味，嘩屌，真係好_臭，唔知邊條仆街係架咁逼嘅地鐵入面放屁，但我仍然扮到若無其事，廢事太大動作，惹人誤會。
點知，身邊幾個妙齡少女都紛紛做左同一個動作，就係用手掩住個鼻，然後視線好不屑咁左右望一望，就好似同人講:『邊條仆街放屁?』
嗰刻我心知不妙，因為我好清楚我自己笑點有幾低，同埋唔知點解我咁ON9，竟然會係依個Moment到......我好好好好好好想笑，係一架咁逼嘅地鐵入面，一篤屁已經可以置成班人於死地，見到佢地個難頂樣同懷疑身邊每一個人嘅眼神，我就好想笑。
但我盡量抑制住自己，因為我好明白當我一笑出黎嗰一刻，就等於大大聲同人講:『篤屁係我放嘅! 吹呀!』
但依篤屁威力真係好勁，除左臭之外，仲會不斷引我笑。嘩屌! 嗰刻真係忍笑忍到我想死，雖然我盡量抑制自己，但有時真係忍唔住，係0.01秒之間笑左出黎。
正當下一站就到嘅時侯，我就知道依埸「屁戰」好快就要結束，但突然間，我留意到一樣野，就係身邊所有人都有掩住個鼻，唯獨我一個人無掩，仲成日無啦啦笑，屌! 我留意到佢地望住我嘅眼神，係充滿極度懷疑嘅目光，正當我意識到事態嚴重想伸手掩鼻時，車門已經開了，各人都紛紛出車門，而且不時回頭望一望，我無奈咁企係入面，望住佢地.....好想大叫:『我無放屁呀屌!』
其實每朝早行到去地鐵站時，我都會暗嘆一口氣，心裡對自己講:『頂!又要逼過!』
我相信搭地鐵返工嘅人都會明我嘅感受，因為站內人與人之間已經逼到唔可以再逼，作為男士更加尷尬，如果身邊都係女乘客，咁樣逼法，真係好驚比人誤會係抽水又或者叫非禮。所以每次我都會做以下動作。
第一: 雙手好似女士們一樣，放係胸前或者捉緊扶手柱，盡量Show比人睇我對手係見得光!
第二:抬頭望車頂，盡量將視線集中係其他地方。因為女人身型一般比較細小，加上天氣又熱，好多女人都著啲背心，低胸，其實我視線只要向低少少，基本上都睇到唔少野，所以為免比人話我睇佢條事業線，我都會抬頭望其他地方。
唉，每朝早想輕輕鬆鬆搭下地鐵聽下歌都要好似打仗咁，每時每刻都要打醒十二分精神，我覺得香港人返工逼地鐵真係好慘。有時我係到諗，點解咁多人逼地鐵，我懷疑有一半人都係咩地鐵特警隊，姐係專捉人非禮個班人。
其實香港人返工真係好特別，除左放屁之外，佢地好鐘意同人逼，一開車門，佢地就會有理無理一於係咁逼入去，有幾盡得幾盡，盡量逼出一個空間比佢企入去。但其實咁樣逼一逼，攪到個車門不斷開門又關門，浪費左十幾廿秒時間。
但事實上，雖然指示牌炓住每班列車一分鐘一班，但實質上係廿幾秒一班，點解要同人逼都唔肯等個廿幾秒? 點解唔早啲起身? 點解係咁逼嘅環境下仲要玩手機? 點解朝早唔屙屎? 點解要係地鐵到放屁? 點解放左屁又唔認?
點解? 點解!!!!!!
Search